Шарқий Хитойдаги автобус компанияси байрамдан сўнг йиғилиб қолган катта миқдордаги танга пулларни банкка элтиш заруратидан қочиб, ҳайдовчиларнинг маошини майда чақаларда тўлади, дея хабар беради TJournal.
200 га яқин ҳайдовчи иш ҳақи сифатида асосан 1 юанлик тангалар билан тўлдирилган қопларни олган.
Компания вакилларининг сўзларига кўра, бунинг ўрнига тангаларни банкка юбориб, қайта ҳисоблатиш мумкин эди, бироқ бунинг учун анча-мунча ҳаракат қилишга, хусусан, техник ва инсон ресурсларини жалб этишга тўғри келарди.
Ҳайдовчилар эса бу ҳолатдан норози: ҳар ҳолда, бундай пул билан дўконда юриш ноқулай. Қайд этишларича, ҳайдовчиларга маош тариқасида 300 дан 1000 юангача бўлган суммалар чақа пулда берилган.
Воқеа ОАВ эътиборига тушганидан сўнг, Хитой халқ банки автокорхона раҳбарияти билан боғланиб, тангаларни нисбатан енгил ва қулай бўлган банкнотларга алмаштириб бериш йўли ёрдам кўрсатишни таклиф қилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)