Мисрнинг собиқ президенти Ҳусни Муборак қамоқдан озод қилинди. Бу ҳақда Agence France-Presse агентлигига таяниб, Meduza хабар берди.
Ҳусни Муборак 24 мартда Қоҳира яқинидаги ҳарбий госпиталдан чиқди ва Гелиополдаги ўз уйига кетди. Собиқ президент 2011 йилда ҳокимиятдан кетганидан сўнг олти йилни қамоқда ўтказди.
2 март куни Ҳусни Муборак 2011 йилда юз берган «араб баҳори» намойишлари вақтида юзлаб одамларни ўлдирганлик иши бўйича тўлиқ оқланди. Собиқ давлат раҳбари намойишчиларга қарата ўт очиш ҳақида буйруқ берганлигини рад этди. 2012 йилда суд иш бўйича уни бир умрлик қамоқ жазосига ҳукм қилган эди.
88 ёшли Ҳусни Муборак Мисрни 1981 йилдан бошлаб 30 йил бошқарган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)