Misrning sobiq prezidenti Husni Muborak qamoqdan ozod qilindi. Bu haqda Agence France-Presse agentligiga tayanib, Meduza xabar berdi.
Husni Muborak 24-martda Qohira yaqinidagi harbiy gospitaldan chiqdi va Geliopoldagi o‘z uyiga ketdi. Sobiq prezident 2011-yilda hokimiyatdan ketganidan so‘ng olti yilni qamoqda o‘tkazdi.
2-mart kuni Husni Muborak 2011-yilda yuz bergan “arab bahori” namoyishlari vaqtida yuzlab odamlarni o‘ldirganlik ishi bo‘yicha to‘liq oqlandi. Sobiq davlat rahbari namoyishchilarga qarata o‘t ochish haqida buyruq berganligini rad etdi. 2012-yilda sud ish bo‘yicha uni bir umrlik qamoq jazosiga hukm qilgan edi.
88 yoshli Husni Muborak Misrni 1981-yildan boshlab 30 yil boshqargan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)