Россия Нью-Йоркда 27 март куни бўлиб ўтадиган ядро қуролини тақиқлаш ҳақидаги музокараларда қатнашмайди, чунки ҳозир уларни ўтказиш мавриди эмас деб ҳисоблайди. Бу ҳақда Россия ТИВнинг қурол-яроғ тарқалмаслиги ва назорати департаменти директори Михаил Ульяновга таяниб, «РБК» хабар берди.
Ульянов таъкидлашича, Россия ядросиз дунё қуришга интилса-да, Москва «бу мақсадга эришишга онгли равишда, босқичма-босқич ва мавжуд ҳолатларнинг барчасини ҳисобга олган ҳолда» бориш керак деган фикрда. «Айни пайтда бу нарса йўқ», — дея қайд этди у.
Ульяновнинг сўзларига кўра, музокаралар иштирокчилари олдига қўйилган вазифа долзарб эмас ва «яққол хаёлпарастлик хусусиятига эга», чунки айни вақтда ядро қуроли глобал барқарорлик тизимининг таянчларидан бири ҳисобланади.
Изоҳ (0)