Уч йил аввал Сариқ денгизда чўкиб кетган «Сэволь» пароми илк бор сув юзасига чиқарилди. Кемани кўтариш бўйича операция 22 март, чоршанба куни бошланди, дея маълум қилди «ТАСС».
«66 та пўлат арқон ёрдамида ‘Сэволь’ни денгиз тубидан силжитишга муваффақ бўлинди. Унинг остига махсус таглик қўйилди ва 24 метр юқорига кўтарилди», — дейилади Жанубий Корея денгиз ва балиқ хўжалиги вазирлиги хабарида.
Паром корпусини сув сатҳидан 13 метр кўтариш ва махсус докка юклаб, Мокпхо портига олиб кетиш режалаштирилмоқда. Бунинг учун мазкур жараён давомида қулай об-ҳаво шароити бўлиши талаб этилади.
Эслатиб ўтамиз, паром 2014 йил 16 апрелда Инчхон портидан Чежудо оролига йўл олаётганида чўкиб кетган. Фожиа оқибатида 304 киши, асосан мактаб ўқувчилари ҳалок бўлди. 9 кишининг жасади топилмади.
Изоҳ (0)