Грецияда топилган бомбали жўнатмалар Европа марказий банкининг офисларидан бирига, шунингдек, Европа Иттифоқининг икки нафар юқори даражали мансабдорларига йўналтирилганлиги маълум бўлди. Бу ҳақда Reuters ахборот агентлигига асосланиб, «Корреспондент.net» маълум қилди.
Агентликнинг маълумотларига кўра, ЕМБнинг ҳудудий офиси билан бир қаторда, бомбали жўнатмалар Еврогуруҳ раҳбари Йерун Дейсселблум ва Молиявий барқарорлик Европа фонди раҳбари Клаус Реглингга юборилган.
Таъкидланишича, мазкур ташкилотлар Грецияга ёрдам дастурининг иштирокчиси ҳисобланади.
«Жўнатмалар саккиз мамлакатга юборилган», — деб хабар қилган ахборот агентлигининг манбаларидан бири.
Греция полицияси Европа Иттифоқи мамлакатларининг мансабдорларига юборилган саккизта бомбали жўнатмани аниқлаб, зарарсизлантирган. Бомбали жўнатмалар Афина яқинидаги почта бўлимида аниқланган.
Полициянинг маълумотларига кўра, жўнатмалар ичидан портловчи механизм топилган. У Грециядан жўнатилган ва 16 мартда Парижда Халқаро валюта фонди ходимининг қўлида портлаган механизмга ўхшаш.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)