Британия бош вазири қароргоҳи полиция томонидан ўраб олинган, бинодан чиқиш тақиқланган. Бу ҳақда, Британия нашрларига асосланиб, «РИА Новости» хабар бермоқда.
Аввалроқ Вестминстер кўпригида ва унга ёндош Британия парламенти биноси олдида юз берган икки ҳодиса оқибатида бир неча киши, жумладан, бир полициячи жабрлангани маълум бўлган эди. Ҳодисалар полиция томонидан теракт деб баҳоланди.
Бош вазир қароргоҳи парламент биносидан унча узоқда эмас. Ҳукумат раҳбари идорасидан маълум қилишларича, бош вазир Тереза Мей ҳаёти хавф остида эмас ва бехавотир жойда.
Парламент биноси ҳам ўраб олинган, ундан чиқиш ҳам тақиқланган. Аввалроқ Тереза Мей ҳодисалардан бир неча дақиқа ўтиб, бинони саккиз қўриқчи қуршовида тарк этгани ҳақида хабар берилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)