Қиролича Елизавета II Brexit’ни маъқуллади. Тереза Мэй ҳукумати Евроиттифоқдан чиқишни бошлаши мумкин

Қиролича Елизавета II Буюк Британиянинг Европа Иттифоқидан чиқиш жараёнини йўлга қўйиш ҳақидаги қонунни маъқуллади. Бу ҳақда, Reuters агентлиги маълум қилмоқда, деб ёзади «Газета.ru».

Қонун қиролича томонидан маъқулланганидан сўнг, Буюк Британия ҳукумати Евроиттифоқ таркибидан чиқиш бўйича иттифоқнинг бошқарув органларига расман мурожаат қилиш ҳуқуқига эга бўлди.

Мамлакат бош вазири Тереза Мэй 31 мартга қадар тегишли мурожаатни Европа Иттифоқига йўллаши кутилмоқда. Буюк Британиянинг иттифоқдан чиқиши жараёни икки йилча вақт олади.

Аввалроқ Буюк Британия парламенти мамлакат бош вазири Тереза Мэйга мамлакатнинг Европа Иттифоқи таркибидан чиқиш жараёнини бошлаш ваколатларини берувчи тегишли қонун лойиҳасини 13 март куни қабул қилган эди.

«Дарё»нинг Telegram’даги расмий канали — @toshqindaryo’га аъзо бўлинг!