Гонолулу (Гавайи штати) федерал суди судьяси Деррек Уотс Дональд Трампнинг муҳожирлар ҳақидаги янги фармони кучга киришига 4 соат қолганда унга умуммиллий тақиқ қўйди. Бу ҳақда «Ведомости» хабар бермоқда.
Фармон Судан, Сурия, Эрон, Ливия, Сомали ва Яман фуқароларининг АҚШга кириши 90 кун мобайнида ман этилишини кўзда тутганди.
Фармон кучга киришига суд тақиқи штат расмийлари сўровига кўра қабул қилинди. Судья мусулмонларни камситиш АҚШ конституциясига зид эканлигини маълум қилди.
Ўз навбатида, Дональд Трамп «суд ваколатлари мислсиз даражада ошириб юборилгани»дан норози бўлди ва мазкур тақиқ бўйича ишни Олий судгача олиб чиқишга ваъда берди.
Эслатиб ўтамиз, олдингроқ АҚШ адлия вазирлиги Трампнинг янги фармонини судларда ҳимоя қилишини билдирганди.
Изоҳ (0)