Хитой раҳбари Си Цзиньпин ва Саудия Арабистони қироли Салмон бин Абдулазизнинг музокаралари дўстона муҳитда бўлиб ўтди. Бу ҳақда 16 март, пайшанба куни Хитой ташқи ишлар вазири ўринбосари Чжан Мин маълум қилди, дея хабар беради «ТАСС».
«Музокаралар муваффақиятли якунланди. Турли соҳалар, жумладан, табиий ресурсларни ўзлаштириш, энергетика, коинот, юқори технологиялар, инвестициялар ва хавфсизликка оид 14 та келишув имзоланди. Ҳамкорлик бўйича 35 лойиҳа ишлаб чиқилди, уларнинг умумий суммаси 65 миллиард долларни ташкил этади», — дея таъкидлади дипломат.
Хитой Саудия Арабистони қиролининг Осиё—Тинч океани минтақаси бўйлаб сафари давомидаги ҳисоб бўйича бешинчи давлат бўлди. Салмон бин Абдулазиз бунгача Малайзия, Индонезия, Бруней ва Японияга ташриф буюришга улгурди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)