Франция жануби-шарқида лицейга ҳужум уюштирилди. Саккиз киши яраланди

Франциянинг Грас шаҳрида лицейга ҳужум уюштирилди. Meduza’нинг ёзишича, бинога иншоотга бостириб кирган эркак директорга қарата ўт очган.

Франция Ички ишлар вазирлиги вакилининг сўзларига кўра, ҳодиса оқибатида саккиз киши жабрланган.

Аввалроқ камида икки киши — лицей директори ва лицейда бўлган яна бир одам яралангани ҳақида айтилган эди. Жароҳатлар жиддий эмас.

Ҳужум уюштирган шахс қўлга олинган, у шу лицейда ўқийдиган 17 ёшли йигит бўлиб чиққан. Унинг ёнидан милтиқ, иккита тўппонча ва иккита граната топилган.

Йигит нима учун ўз лицейига ҳужум уюштиргани ҳозирча номаълум. Тасдиқланмаган маълумотларга кўра, унинг шериги ҳам бўлган ва у ҳодиса жойидан яширинишга улгурган.

Грас полицияси маҳаллий аҳолини уйларни тарк этмасликка чақирди. Ҳудудда терактлардан огоҳлантириш тизими ишга тушган.

«Дарё»нинг Telegram’даги расмий канали — @toshqindaryo’га аъзо бўлинг!