Сурия Ташқи ишлар вазирлиги БМТ бош котиби ва Хавфсизлик кенгаши раисига «турк қўшинларининг мамлакат суверенитетига хуружи» давом этаётганига эътибор қаратиш сўралган мурожаат йўллади. Бу ҳақда «Коммерсант.ru» хабар бермоқда.
«Сурия ҳукумати БМТ Хавфсизлик кенгашидан Туркиянинг тажовузкор ҳаракатларини тўхтатиш ва минтақада хавфсизлик ҳамда барақарорликни сақлашни талаб этади. Турк қуролли тузилмаларини босқинчи қўшинлар деб ҳисоблаймиз. Анқара ўн минглаб тинч аҳоли қурбон бўлиши, иқтисодий инфратузилма вайрон этилишига олиб келган террорчиларни қўллаб-қувватлаш ҳаракатлари учун бевосита жавобгар саналади», — дейилади мурожаатда.
Мамлакат ТИВ баёноти турк қўшинлари Манбиж шаҳри ғарбида суриялик ҳарбий хизматчилар марраларини ўққа тутганидан сўнг берилди. Мазкур ҳужум оқибатида қурбонлар ва жароҳатланганлар борлиги билдирилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)