АҚШда меҳнатга яроқли аҳолининг умумий сони муҳожирларсиз 2015 йилдаги 173,2 миллиондан 2035 йилда 165,6 миллион кишигача қисқаради. Аммо агар миграциянинг жорий суръати сақланиб қолса, меҳнат қилувчилар сони 2035 йилда 183,2 миллионга етади. Бу ҳақда CNN Pew тадқиқотига таяниб хабар берди, деб ёзади «Газета.ru».
Таъкидланишича, ишлайдиган аҳолининг энг катта қисми, АҚШда туғилган ота-оналарнинг фарзандлари камайиб бормоқда. Pew тадқиқотига кўра, ишчи кучининг ушбу сегменти 2015 йилдаги 128,3 миллион кишидан (74%) 2035 йилда 120,1 миллион кишигача (66%) пасайиши кутилмоқда.
Ишчи кучи сонининг ўсишига таъсир кўрсатадиган омиллар қаторида АҚШда туғилиш даражаси пастлиги ҳам айтилмоқда.
Изоҳ (0)