АҚШ Федерал қидирув бюроси президент Дональд Трампнинг Trump Organization компанияси ва Альфа-банк (Россия) серверлари ўртасида қайд этилган фаолликни текширишга қайтадан киришди. Бу ҳақда TJournal хабар бермоқда.
CNN манбаларининг маълум қилишича, ФҚБ серверлар орасидаги фаолликнинг «ғалати» эканлигига ишончи комил, бироқ бу алоқаларнинг аҳамиятига ҳозирча аниқлик киритилмаган. Ҳозирда текширув билан Россиянинг АҚШдаги президентлик сайловларига эҳтимолий аралашувини ўрганаётган контрразведка бўлинмаси шуғулланмоқда.
ФҚБ маълумотларига кўра, Альфа-банкнинг икки сервери орқали Trump Organization серверларига 2,7 мингдан ортиқ хабар жўнатилган. Олдинроқ бунга спам ёки электрон почта орқали юборилган маркетинг сифатида қаралганди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)