Ироқ Трампнинг Қўшма Штатлар ҳудудига кириши ман этиладиган давлатлар рўйхатини ўз ичига олган иммиграция бўйича янги фармонидан чиқарилади. Бу ҳақда The New York Times нашрига Вашингтон маъмуриятидаги манба маълум қилди, дея хабар беради «ТАСС».
Газетага кўра, янги фармон АҚШда барча мамлакатлардан қочоқлар жойлаштирилишига вақтинчалик тақиқни жорий этади. Тақиқ қанча давом этишига аниқлик киритилмаган. Суд томонидан блокировка қилинган аввалги фармонда бу муддат 120 кун этиб белгиланганди.
Ушбу фармонда суриялик қочоқларнинг АҚШга кириши номаълум муддатга ман этилганди. Манбанинг таъкидлашича, янги ҳужжатда Сурияга нисбатан бундай кескин ёндашув қўлланмайди.
Аввалроқ Associated Press Пентагон ва Давлат департаменти Ироқнинг ИШИД билан курашдаги муҳим ролига эътибор қаратиб, Оқ уйдан ушбу мамлакатга нисбатан позицияни қайта кўриб чиқишни сўрагани хабар қилинганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)