Жанубий Кореяда 70 кун давом этган текширувлардан сўнг терговчилар мамлакат президенти Пак Кин Хе ва унинг қуршовидагилар пора олиш ҳамда мансабини суиистеъмол қилишга алоқадорлиги ҳақидаги хулосага келди. Бу ҳақда Yonhap хабар бермоқда.
Терговчилар президент дугонаси Чхве Сун Силь Samsung раҳбариятидан давлат томонидан корпорация бизнеси қўллаб-қувватланиши эвазига пора олишида шерик бўлганига ишончи комил.
Шунингдек, тергов Пак Кин Хе Жанубий Корея маданият вазирлиги томонидан президент маъмуриятига танқидий ёндашадиган 9473 нафар маданият арбобидан иборат «қора рўйхат» тузилганидан ҳам хабардор бўлган.
Қолаверса, президент ва унинг дугонаси 2016 йил апрелидан октябригача фош бўлишдан чўчиб музокаралари учун бошқа шахслар номига қайд этилган мобил телефонлардан фойдаланганини аниқланди. Бу эса Жанубий Корея қонунларида ман этилган ҳолат ҳисобланади.
Изоҳ (0)