Зимбабведа болаларни уриш тақиқланди

Зимбабве Олий суди болаларни жисмоний жазолашни тақиқлади, дея хабар бермоқда «Газета.ru».

Қарор қизи мактабда ўқитувчи томонидан калтакланган Лунах Пфунгванинг шикоятидан сўнг қабул қилинган.

Даъвогарнинг сўзларига кўра, ўқитувчи олти ёшли қизалоқни уй вазифаси бажарилмагани учун урган.

«Қизимнинг кўп жойлари кўкарган эди, белидаги шилинган жойлар сабаб у базўр ухлади», — деди Лунах Пфунгва.

Судья Дэвид Манготанинг сўзларига кўра, болаларни жисмоний жазолаш Зимбабве Конституциясига зид.

Унинг айтишича, ота-оналар ва ўқитувчилар болалар ўзини ёмон тутган тақдирда ҳам уларга қўл кўтармаслиги керак.

Қарор Зимбабве Конституциявий суди томонидан тасдиқланиши билан, кучга киради.

«Дарё»нинг Telegram’даги расмий канали — @toshqindaryo’га аъзо бўлинг!