Молия журналисти сифатида 10 йил ишлаган Мишель МакГо шу вақт ичида ўз бюджетини қийинчилик билан режалаштиришга муваффақ бўлди. У одамларга қандай қилиб тежаш ҳақида гапириш, бироқ бўлмағур нарсаларга пул сарфлашни адолатсизлик деб ҳисоблади. Бу ҳақда The Guardian нашрига таяниб, AdMe нашри хабар берди.
Журналист тажриба ўтказишга қарор қилди: бир йил давомида фақат энг зарур нарсаларни сотиб олди. У ўз кийим жавонида бор кийимларни кийди, велосипедда юрди, фақат уйда пиширилган овқатларни еди. Шу тариқа 23000 доллар тежашга муваффақ бўлди.
Мишель бир йил ичида энг зарур эҳтиёжлар учун харажатларни сақлаб қолган, бир қатор харажатлардан воз кечган. Воз кечилган эҳтиёжлар ўрнини қоплаш учун турли йўллар ўйлаб топган.
Сақлаб қолинган харажатлар- Ипотека, коммунал хизматлар, саломатлик суғуртаси, ота-онасига ёрдам, хайрия тўловлари, интернет ва уяли телефон. Буларнинг барчасига бир ойда 2000 долларга яқин харажат қилинган.
- Энг зарур косметика воситалари: шампун, тиш пастаси, дезодорант ва ҳ.к., уй учун ювиш воситалари. Овқат тайёрлаш учун зарур маҳсулотларга харажат. Ҳаммаси бўлиб бир ҳафтада 35 доллардан камроқ сарф қилинган.
- Кўнгилхушлик ва ҳордиқ чиқариш: кинога бориш, бар ва ресторанларда ўтириш, овқат буюртма қилиш, кофе сотиб олиш, таътилдаги саёҳат. Супермаркетлардаги ҳар қандай ширинликлар.
- Фитнесс маркази харажатлари.
- Янги кийим, атир, безовчи косметик воситалар, сартарошхонада соч турмаклатиш.
- Транспорт харажатлари – такси, автобус чипталари, метро ва бошқалар.
- Ҳамма жойга велосипедда бориш – ишга, учрашувга, ҳатто шаҳар ташқарисига ҳам.
- Хиёбонларда тамадди қилиш, чодир билан саёҳат қилиш, бепул кўргазма ва концертлар излаш.
- Энг оддий уйда пиширилган овқатларни тановул қилиш.
- Спорт билан уйда шуғулланиш (велосипедда юриш машғулотлар асосий қисми ўрнини босган).
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)