Қимматбаҳо тошлар ўзининг ажойиб жилваси ва бенуқсон тузилиши билан ўзига мафтун қилади. Айнан ана шундай эстетик хусусиятлари туфайли бриллиантлар, ёқутлар ва зумрадлар оддий минераллардан минг марталаб қиммат туради. Лекин шундай тошлар борки, уларнинг нархи чегарадан ошиб тушади.
5-ўрин: олмос — узоқ йиллар давомида дунёдаги энг қимматбаҳо ва исталган тошлардан бири бўлиб қолмоқда. Бунга эса бриллиантларнинг (қирраланган олмослар шундай аталади) ўта оммабоплиги сабабчидир. Айни пайтда мукаммал тарзда қирраланган D рангли бриллиантнинг бир карати ўртача 15 000 шартли бирликка сотилади.
4-ўрин: жадеит (империал) — кўп йиллар давомида сайёранинг энг сирли тошларидан бири мақоми эгаллаб келган яшил рангли минерал. Бугунги кунда унинг асосий манбалари Хитой, Япония, Мексика, Қозоғистон, Гватемала ва АҚШда жойлашган. Юқори сифатли жадеитнинг бир карати дунё бозорида 20 минг долларга тенг.
3-ўрин: падпаража — қадимда Шри-Ланка, Танзания ва Мадагаскарда қазиб олинган пушти-тўқ сариқ сапфир. Ҳозир падпаража табиий кўринишда деярли умуман қолмаган, уни корунд минералини зарур кондициягача қиздириш орқали олишади. Бугунги кунда беш каратдан оғирроқ вазнли падпаражанинг ҳар бир карати 30 минг долларгача баҳоланиши мумкин.
2-ўрин: грандидьерит — яшил-ҳаворанг, яшил-кўк рангдаги ноёб минерал, унинг илк намунаси Шри-Ланкада аниқланган. Қирраланган грандидеритлар ҳозирги пайтда ўта чекланган миқдорда мавжуд, уларнинг сони йигирматага яқин. Минералнинг бир карати 30 минг доллардан зиёд туради.
1-ўрин: қизил олмос — ўз оиласининг энг қимматбаҳо вакили ҳамда дунёдаги энг қимматбаҳо тош. Инсониятнинг бутун тарихи давомида ушбу минералнинг бор-йўғи бир нечта нусхаси топилган ва уларнинг кўпчилиги жуда кичик — 0,5 каратдан ҳам камроқ вазнга эга. Рангли олмосларнинг ягона кони Австралиянинг Аргайл конида жойлашган, у ерда ҳар йили бундай тошлардан саноқли миқдорда қазиб олишади. Вазни 0,1 каратдан ортиқ бўлган тошлар одатда фақат кимошди савдоларида пайдо бўлади, у ерда бир каратнинг нархи 1 миллион доллардан ошади.
Изоҳ (0)