«Ўзбеккино» Миллий агентлиги бош директори Отабек Мусаев Европа Иттифоқининг Ўзбекистондаги делегацияси раҳбари, элчи Эдуардс Стипрайс билан учрашувди. Бу ҳақда агентлик матбуот хизмати хабар бермоқда.
Унда 2017 йилда ҳамкорликда амалга ошириладиган лойиҳалар, жумладан, май ойида Ўзбекистонда бешинчи бор ташкил этиладиган Европа фильмлари фестивалини ўтказиш масаласи муҳокама қилинди.
Учрашувда бу каби маданий тадбирларнинг мунтазам равишда ўтказилиб борилиши Европа Иттифоқи мамлакатлари билан йўлга қўйилган ўзаро дўстона алоқаларнинг янада мустаҳкамланиши ва ривожланишига асос бўлиб хизмат қилиши таъкидлаб ўтилди.
Маълумот учун, Ўзбекистонда Европа фильмлари фестивали «Ўзбеккино» Миллий агентлиги ва Европа Иттифоқи делегацияси ҳамкорлигида 2013 йилдан буён анъанавий тарзда ўтказиб келинмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)