Украина ҳукумати Донбассдан етказиб бериладиган кўмир ортилган поездлар ҳаракати кўнгиллилар батальонлари томонидан қамал қилинганидан сўнг энергетика тизимида юзага келган вазият туфайли фавқулодда чораларни жорий этди. Бу ҳақда «Коммерсантъ» хабар бермоқда.
«Фавқулодда вазият тартиби бир-икки ойга мўлжалланган», — дея маълум қилди Украина ҳукуматидаги манбалар. Мамлакат энергетика вазири Игорь Насалик истеъмолчиларга электр энергияси етказиб беришда узилишларни истисно этмади.
Украина электр станцияларидаги антрацит захиралари 842 минг тоннадан иборат, яъни 40 суткага етади. Фавқулодда вазият тартиби эса антрацитдан фойдаланишни чеклашни англатади.
Украина энергетика стратегияси фонди раҳбари Дмитрий Маруничнинг билдиришича, мамлакат расмийларининг хориждан кўмир сотиб олиш режаси амалга оширилиши эҳтимоли кам. Чунки ЖАР ва Россиядан кўмир сотиб олиш қимматга тушади, бюджет эса Донбассдан келтириладиган кўмир нархи асосида шакллантирилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)