Остонада Сурия қуролли мухолифати иштирокида учрашувлар бўлиб ўтмоқда, деб ёзади «ТАСС» Қозоғистон ташқи ишлар вазирлиги матбуот хизматига таяниб.
Сурия бўйича конференциянинг ялпи мажлисидан олдин (у Тошкент вақти билан 14:00 га белгиланган) делегацияларнинг икки томонлама маслаҳатлашувлари бўлиб ўтади.
Сурия бўйича халқаро учрашув иштирокчилари 15 февраль куни Остонада 16 февралда очиладиган Суриядаги низоларни тартибга солиш бўйича халқаро учрашувга тайёргарлик юзасидан маслаҳатлашувлар олиб борган эди. Диққат марказида — ўт очишни тўхтатиш режими устидан назорат ва ой охирига режалаштирилган Женевадаги Сурияаро маслаҳатлашувлар истиқболлари.
Қозоғистон пойтахтида ярашувга кафил мамлакатлар — Россия, Эрон ва Туркия вакиллари, шунингдек, Иордания, АҚШ ва БМТ вакиллари, расмий Дамашқ ва қуролли мухолифат делегацияси иш олиб бормоқда.
Изоҳ (0)