АҚШ биринчи маротаба Суриянинг шимолий қисмига қуруқликдаги жанговар қўшинларни жўнатиш имкониятини кўриб чиқмоқда. Бу ҳақда мамлакат мудофаа вазирлигидаги манбага таяниб, CNN телеканали маълум қилди, деб хабар бермоқда TJournal.
Вазирликка кўра, Сурияга қуруқликдаги қўшинларни жўнатиш эҳтимоли ИШИДга қарши курашни жадаллаштириш мақсадида кўриб чиқилмоқда.
Масала ижобий ҳал этилган, яъни президент Дональд Трамп томонидан маъқулланган тақдирда америкалик ҳарбийлар мамлакатда «маълум вақт давомида» бўлиб туриши мумкин.
Қуруқликдаги миссиянинг аниқ нишонлари ҳозирча маълум эмас. Телеканал кучларнинг бир қисми Кувайтда жойлаштирилиши ва кейинчалик Сурияга ташланиши мумкинлигини тахмин қилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)