АҚШнинг Калифорния штати Оровилл кўлидаги тўғоннинг вайрон бўлиш хавфи аввалгидек юқори эмас, деб ёзади «ТАСС» Бьютт округи шерифи Кони Хонига таяниб. Шунга қарамай, объектдан пастда жойлашган аҳоли пунктлари фуқароларини эвакуация қилиш ҳақидаги фармойиш ўз кучида қолади.
Унинг сўзларига кўра, асосий оқова ариққа шикаст етган, шу туфайли захира ариқдан фойдаланишга қарор қилинган, аммо унда тешик борлиги аниқланган, у эса кенгайиб бормоқда.
Айни пайтда ҳукумат вертолётлардан фойдаланишни кўзда тутувчи режани тайёрлаб қўйди. Уларнинг экипажлари оқова ариқнинг очиқ қисмига тош тўкиб, тешикни бекитиши керак.
1962—68 йилларда қурилган тўғон АҚШдаги энг баланд гидротехника иншооти ҳисобланади, унинг баландлиги 230 метрга тенг.
Оровилл шаҳрида 16 минг киши яшайди, улар Оровиллдан шимолда жойлашган Чико ва бошқа шаҳарларга йўл олиши керак.
Изоҳ (0)