ИШИД террорчилик гуруҳи бошлиғи Абу Бакр ал-Бағдодий Ироқ ғарбига берилган авиазарба чоғида жароҳатлар олди. Бу ҳақда Al Sumaria хавфсизлик соҳасидаги манбаларига таяниб хабар берди, деб ёзади «Газета.ru».
Ал-Бағдодий халқаро коалициянинг Анбар провинциясидаги Каим шаҳрига уюштирилган авиаҳужумида жабрланган, у ерга террорчи ИШИД бош бошлиқларининг қурултойида қатнашиш учун борган.
Таъкидланишича, бошлиқ бир нечта жойида яраланган. Шунингдек, учрашувда қатнашган бошқа террорчилар ҳам жабрланган.
Манбанинг қўшимча қилишича, жангарилар учрашувда иштирок этиш учун Сурия ва Ироқ чегарасидаги ҳудудга етиб келган. Унинг сўзларига кўра, авиазарбалар разведка маълумотлари асосида берилган.
Нашр эслатишича, 2016 йил декабрида Ироқ махсус топшириқли бўлинмалари қўмондони Фадил Барварий ал-Бағдодийнинг Мосул яқинидаги ер ости бункерида яшириниб ётганини маълум қилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)