Жанубий Кореянинг лавозимидан четлатилган президенти Пак Кин Хе қуршовидаги коррупциявий можарони текшириш бўйича махсус комиссия Samsung Electronics корпорацияси президентининг ўғли Ли Чже Ённи яна гумонланувчи сифатида суҳбатга чақиради. Бу ҳақда «РИА Новости» хабар бермоқда.
«Текшириб кўриш керак бўлган қатор ҳолатлар бор. Уларни тасдиқлаш учун Samsung вице-президентини яна чақириш зарурати туғилмоқда», — дея маълум қилади комиссия вакиллари.
Ли Чже Ённи ҳибсга олишга ордер сўраш ҳақидаги қарор у билан 13 февраль, душанба куни ўтказиладиган суҳбатдан сўнг қабул қилинади.
Samsung вице-президенти ва бир неча йилдан бери отасининг бетоблиги сабабли амалда корпорацияни бошқараётган Ли Чже Ён биринчи бор прокуратура вакиллари томонидан январь ойи ўрталарида чақиртирилганди. Бир неча кундан сўнг Сеул суди терговчиларга Ли Чже Ённи ҳибсга олиш учун ордер беришни рад этганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)