Испаниянинг Валенсия шаҳридан 5 километр масофада жойлашган Патерна шаҳарчасидаги кимё заводида портлаш юз берди. «РБК» хабарига кўра, портлаш оқибатида кучли ёнғин келиб чиққан.
Дастлабки маълумотларга кўра, ҳодиса оқибатида фақат бир ишчи жиддий куйиш жароҳатларини олган.
ABC’нинг ҳодиса гувоҳларига таяниб ёзишича, дастлаб кучли портлаш юз берган, шундан сўнг баландлиги 15 метрга етадиган тутун устуни пайдо бўлган.
Movilizadas 5 dotaciones de bomberos para extinguir el incendio de la fábrica de productos químicos en el polígono fuente del jarro pic.twitter.com/ULxFYMvCj2
— P. Civil Paterna (@PCPaterna) February 8, 2017
Айни вақтда, маҳаллий ўт ўчириш хизматидан маълум қилишларича, портлашдан аввал заводнинг ички қисмида ёнғин келиб чиққан.
Фавқулодда ҳодиса юз берган завод Indukern компаниясига тегишли бўлиб, унда тетрахлоретилендан фойдаланган ҳолда турли эритмалар ишлаб чиқарилган.
Ҳавога турли заҳарли моддалар чиқиши эҳтимоли мавжудлиги сабаб, корхонага олиб борувчи йўллар ёпилган, завод яқинидаги уй эгаларига кўчага чиқмаслик тавсия қилинган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)