Сурия президенти Башар Асад мухолифат, хусусан, қуролли мухолифат вакиллари билан музокаралар олиб боришга тайёр. Бу ҳақда, «Коммерсантъ»нинг ёзишича, Асад билан учрашган россиялик депутатлар маълум қилди.
Россия Давлат думаси депутати Дмитрий Саблиннинг сўзларига кўра, «Асад Ғарбдаги одамлар билан эмас, айнан қуролли мухолифат вакиллари билан музокаралар олиб боришга тайёр».
«Ҳозир, бир ой давомида Остонадаги музокараларнинг иккинчи қисмига тайёргарлик кўрилмоқда, шундан сўнг бу музокаралар Сурия ҳудудига кўчиши умиди бор», — дея қўшимча қилди бошқа бир депутат Сергей Гаврилов.
Эслатиб ўтамиз, Башар Асад тузуми ва Сурия қуролли мухолифати вакиллари ўртасидаги музокаралар 23 декабрь куни Қозоғистон пойтахти Остона шаҳрида бўлиб ўтган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)