ИШИД террорчилик гуруҳи бошлиғи Абу Бакр ал-Бағдодий жойлашган жой аниқланди, у яккаланиб қолган бўлиб, унинг ҳаракати кузатилмоқда. Унга яқин бўлган дала қўмондонларининг кўпчилиги йўқ қилинган. Бу ҳақда Ироқ бош вазири Ҳайдар ал-Ободий France 24 телеканалига берган интервьюсида маълум қилди, аммо у террорчилар етакчиси жойлашган жойни аниқ айтмади, деб ёзади «ТАСС».
«Биз унинг кўпчилик ёрдамчиларини ўлдирдик ва йўқ қилдик. Унинг ўзи ишониши мумкин бўлган ҳеч кими қолмади. У изоляцияда, биз унинг ҳаракатларини кузатяпмиз. У ўзини панада тутишга интилмоқда, бошқа террорчилар билан деярли алоқа қилмайди», — деди ал-Ободий.
Ироқ бош вазири бошловчининг ал-Бағдодий Мосулдами, йўқми қабилидаги саволига изоҳ беришдан бош тортди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)