Дунёга машҳур Шаолинь ибодатхонаси раҳбари Ши Юнсин бошқа исм-шариф —Лю Инчен номига берилган шахсни тасдиқловчи гувоҳномага эга эканлиги маълум бўлди. Бу ҳақда «ТАСС» хабар бермоқда.
Сўнгги пайтларда «чексиз бойликлари ва саноқсиз жазманлари» ҳақида овозалар тарқалиб кетган роҳиб иккинчи номига берилган ички паспортдан ҳеч қачон фойдаланмагани ва уни ҳуқуқ-тартибот идораларига топширишга тайёрлигини маълум қилган.
«Ҳозирги шахсни тасдиқловчи гувоҳномам 1985 йилда, 20 ёшда тўлганимда олинган. Ўшанда ўзимни янги буддавий номимни ҳам олганман», — дея таъкидлади Ши Юнсин.
Хитой расмийлари 1965 йилда берилган биринчи гувоҳномани ҳам, роҳибнинг илк исми-шарифини ҳам бекор қилишини билдирди.
Қайд этиш жоиз, маҳаллий прокуратура бундан икки йил аввал ибодатхона раҳбари 15 та автомобиль (улардан 11 таси қимматбаҳо хорижий машиналар) эгаси эканлигини аниқлаган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)