Суриянинг жанубий вилоятларида ҳаракат қилаётган мухолифат кучлари мамлакатда эълон қилинган ўт очишни тўхтатиш тартибига қўшилишга, шунингдек, ИШИД каби террорчи ташкилотларга қарши курашишга тайёр. Бу ҳақда, «РИА Новости»нинг ёзишича, Сурия масаласи бўйича Остонада ўтказилган учрашув вақтида Иордания вакиллари маълум қилган.
Хабар беришларича, Иордания экспертларининг мазкур ахбороти Эрон ва Туркия томонида, шунингдек, БМТ вакилларида қизиқиш уйғотган, улар Сурия жанубидаги мухолифат кучлари билан ишлашга тайёр эканини маълум қилган.
Аввалроқ Сурияда ўт очишни тўхтатиш тартибига риоя этилишини назорат қилиш бўйича биринчи йиғилишда Иордания вакиллари ҳам иштирок этиши маълум бўлган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)