АҚШ президенти Дональд Трампнинг маълум қилишича, унинг хорижий давлат раҳбарлари билан телефон суҳбатлари ҳақидаги маълумотлар сизиб чиқиб кетганига собиқ президент Барак Обаманинг одамлари айбдор. Бу ҳақда президент Fox News’га берган интервьюсида айтиб ўтди.
«Улар маълумотларнинг сизиб чиқишига имкон бергани шармандагарчилик, чунки бу мамлакатимиз манфаатларига зид ҳаракат. Бу бизнинг мамлакатимиз учун жуда хавфли нарса», — деди Трамп.
Унинг сўзларига кўра, айнан «Обаманинг одамлари» унинг Мексика ва Австралия раҳбарлари билан суҳбатлари тафсилотларини ОАВга етказган.
Трампнинг қайд этишича, Обама маъмуриятида ишлаган ходимлари ҳали ҳам Оқ уй девонида ва Миллий хавфсизлик кенгашида иш олиб бормоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)