Россиянинг «Зоркий» (Красногорск) тўпли хоккей клуби шифокори Роман Кухаев Мурманскдан Москвага йўл олган самолёт йўловчиси ҳаётини сақлаб қолди. Бу ҳақда Москва вилояти жисмоний тарбия ва спорти вазирлиги матбуот хизмати маълум қилди, дея хабар беради «ТАСС».
«Парвоздан сўнг охирги қаторда ўтирган йўловчининг аҳволи ёмонлашганини кўриб қолдим. Дарров шифокоримиз олдига бордим. Роман Юревич унга дарҳол зарур дори-дармонлар берди ва қон босимини ўлчади, сўнг ерга ётқизди. Стюардессалар учувчилар билан боғланди, бу пайт шифокоримиз йўловчини жонлантириш билан овора эди», — дея таъкидлади Красногорск клуби бош мураббийи Андрей Рушкин.
Учувчилар шифокор маслаҳати билан самолётни Мурманск томонга қайтарди ва маҳаллий аэропортда шошилинч қўнишни амалга оширди.
Бу ерда тез тиббий ёрдам машинаси ва полиция кутиб турган эди. Йўловчи касалхонага ётқизилди, унинг ҳозирги ҳолати ҳақида хабар берилмади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)