АҚШ президенти Дональд Трамп россиялик ҳамкасби Владимир Путин билан муносабатлари изга тушиб кетишига ҳозирча амин эмас. Бундай фикрни у FoxNews телеканалига берган интервьюсида айтиб ўтди, деб ёзади «ТАСС».
Оқ уй хўжайинига у Россия президентига нисбатан ҳурмат билан муносабатда бўлишда давом этиш-этмаслиги ҳақида савол берилди. «Шундай деяқолай: Россия билан муроса қилмагандан кўра, муроса қилган яхшироқ. Агар Россия бизга ИШИД билан, бутун дунёдаги терроризм билан курашда ёрдам берса, бу яхши бўлади», — деб жавоб берди Трамп.
«У билан чиқишиб кета оламанми? Мутлақо билмайман», — дея қўшиб қўйди республикачи.
Унга Ғарбнинг Россия ва унинг раҳбариятига қаратилган айбловларини эслатишганида эса Трамп АҚШни ахлоқ жиҳатидан бенуқсон томон деб бўлмаслигини таъкидлади. «Сиз ўйлайсизки, бизнинг мамлакатимиз бегуноҳми?» — дея риторик савол берди у.
Изоҳ (0)