БМТ Хавфсизлик кенгаши Афғонистон ислом партияси раҳбари Гулбиддин Ҳикматёрни ИШИД ва «Ал-Қоида» гуруҳларига алоқадор шахслар рўйхатидан чиқариш ҳақида қарор қабул қилди. Бу ҳақда «Коммерсантъ» хабар бермоқда.
Кенгаш томонидан аниқлик киритилишича, санкциялар олиб ташланганидан сўнг Ҳикматёрга нисбатан қўлланган активларни музлатиш, сафарларга қўйилган тақиқ ва қурол етказиб беришга эмбарго каби чекловлар бекор қилинади.
Маълумот учун, афғонистонлик пуштунлар етакчиси бўлган Гулбиддин Ҳикматёр 2003 йилда АҚШ томонидан «қора рўйхат»га киритилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)