АҚШ адлия вазирлиги президент Дональд Трампнинг миграция бўйича фармони ижросини тўхтатиб қўйган Вашингтон штати суди қарори устидан шикоят қилади. Бу ҳақда Оқ уй матбуот котиби Шон Спайсер маълум қилди, дея хабар беради «ТАСС».
«Адлия вазирлиги имконият туғилиши биланоқ мазкур суд қарори ижросини зудлик билан тўхтатишни талаб қилиш ва қонуний ҳамда ўринли бўлган президент фармонини ҳимоя қилиш ниятида. Президентнинг фармони мамлакатни ҳимоя қилишга қаратилган. У Америка халқини асраб-авайлаш бўйича конституциявий ваколатларга эга», — дея таъкидлади матбуот котиби.
Шон Спайсер, Оқ уй нуқтаи назарига кўра, миграция ҳақидаги фармонни имзолаш учун асос бўлиб хизмат қилган АҚШ қонунчилигидан кўчирмаларни келтириб ўтди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)