АҚШнинг Фергюсон шаҳри (Миссури штати) расмийлари полиция томонидан ҳаддан ортиқ куч ишлатилиши туфайли ҳалок бўлган қора танлининг яқинларига товон тариқасида 3 миллион доллар тўлайди. Бу ҳақда «ТАСС» хабар бермоқда.
Гап 2011 йилда ҳозирда собиқ полициячи ҳисобланган Брайан Камински қўлидан ҳалок бўлган 31 ёшли Жейсон Мур ҳақида кетмоқда.
Ҳодиса полиция ходимлари яланғоч ҳолатда Фергюсон кўчаларида чопиб юрган руҳий хаста Мурни тинчлантиришга ҳаракат қилганида рўй берган.
Қўлга олиш чоғида Камински унга қарши бир неча бор электршокер қўллади, бунинг оқибатида у оламдан ўтди.
Полициячи кейинчалик куч ишлатишни вазият тақозо этганини даъво қилди, бироқ Мурда ҳеч қандай қурол бўлмаган эди.
Фергюсон расмийлари аввалига суд қарорига қарши чиқди, бироқ кейинчалик апелляцияни қайтариб олди ва товон тўлашга рози бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)