Евроиттифоқ март ойида Россия ва Украинанинг 100 нафар фуқароларига нисбатан санкцияларнинг амал қилиш муддатини яна олти ойга узайтирмоқчи. Бу ҳақда Bloomberg агентлиги Брюсселдаги манбаларига таяниб хабар берди, деб ёзади «РИА Новости».
«Евроиттифоқнинг тўрт нафар амалдори иттифоққа аъзо мамлакатлар март ўртасида Украина ва Россиянинг 100 фуқаросига нисбатан санкцияларни яна олти ойга узайтириш ниятида эканлигини маълум қилди, улар орасида ‘СМП Банк’ ва ‘ИнвестКапиталБанк’ эгадоши Аркадий Ротенберг ва ‘Россия’ банкининг энг йирик акциядори Юрий Ковальчук бор», — дейилади агентлик хабарида.
Евроиттифоқ Россияга қарши санкцияларни 2014 йилда киритган эди. Бундай қарорга Украинадаги воқеалар сабабчи бўлди. Ўшандан буён чекловлар бир неча марта узайтирилди ва кенгайтирилди.
Изоҳ (0)