Пентагон раҳбари КХДРнинг ядро ҳужумига кучли ва самарали жавоб берилиши ҳақида огоҳлантирди

Агар Пхеньян АҚШ ёки унинг иттифоқдошларига нисбатан ядро қуролини қўллашга қарор қилса, АҚШ бундай хатти-ҳаракатларни «кучли ва самарали» жавоб билан қарши олади. Бу ҳақда Сеулга ташрифи чоғида Пентагоннинг янги раҳбари Жеймс Мэттис маълум қилди, деб ёзади «РБК».

Америка вазири сўзларига кўра, Шимолий Корея ракета учиришда, шунингдек, ядро дастурини ривожлантиришда ҳамда ўзининг қуруқ гаплари ва хатти-ҳаракатлари билан қўрқитишда давом этмоқда.

«АҚШга ёки иттифоқдошларимизга қарши ҳар қандай ҳужум даф қилинади», — деди Пентагон раҳбари. Бундан ташқари, Мэттис «ядро қуролининг ҳар қандай тарзда қўлланилиши самарали ва босимли куч билан кутиб олинишини» таъкидлади.