Uber taksi servisi asoschisi va bosh direktori Trevis Kalanik muhojirlar masalasi bo‘yicha Donald Tramp bilan ziddiyatlar yuzaga kelgani tufayli AQSh prezidenti ma’muriyati huzuridagi biznes bo‘yicha maslahatlashuv kengashidan chiqdi, deb yozadi TJournal.
Kalanik aytishicha, o‘z qaroridan oldin u Tramp bilan kichik suhbat o‘tkazib, unga uning muhojirlikka qarshi farmoni Amerika jamoatchiligiga muammolar keltirishi, oilalarni ajratib yuborishi va butun dunyoni xavotirga qo‘yishini tushuntirishga uringan.
Kalanikdan tashqari, iqtisodiy kengashga 16 nafar amerikalik yirik biznesmenlar, shu jumladan, SpaceX kompaniyasi rahbari Elon Mask va PepsiCo korporatsiyasidan Indra Nuyi ham kiradi. Qo‘mita 2016-yil dekabrida mamlakatning yetakchi tadbirkorlarini davlat rahbari bilan doimiy ravishda uchrashtirib turish uchun tashkil qilingan edi.
Izoh (0)