АҚШ Сенатининг қуролли кучлар бўйича қўмитаси раҳбари Жон Маккейн президент Дональд Трампга Донбассда можаро кескинлашганлиги сабабли Россиядан ҳудудини ҳимоя қилишда Украинага ёрдам беришни сўраб, мактуб йўллади. Бу ҳақда «Коммерсантъ» хабар бермоқда.
Россиянинг охирги ҳужумлари ва келгусида Украинага қарши тажовуз истиқболини инобатга олиб, 2017-молиявий йилда сиздан миллий мудофаа тўғрисидаги қонун берган ваколатдан фойдаланишингизни сўрайман. Россия ёки унинг назоратидаги айирмачилар ҳаракатларидан ўз ҳудудини ҳимоя қилишда Украинани қурол-аслаҳа билан қўллаб-қувватлашни таъминлаш зарур.Аввалроқ Дональд Трамп Жон Маккейнга учинчи жаҳон урушини келтириб чиқариш ҳақида ўйлаш ўрнига куч-қувватини ИШИДга қарши кураш, ноқонуний муҳожирлик ва чегаралар хавфсизлиги масалаларига қаратишни маслаҳат берганди.Жон Маккейн, АҚШ Сенатининг қуролли кучлар бўйича қўмитаси раҳбари
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)