Беларусда давлат томонидан фақат бунга муҳтож ва натижа бераётган тармоқларга имтиёз берилади ҳамда қўллаб-қувватланади. Бу ҳақда мамлакат президенти Александр Лукашенко жамоатчилик ва ОАВ вакиллари билан учрашуви чоғида маълум қилди, дея хабар беради «Интерфакс».
«Бир нарсани тушуниш керак: ‘имтиёзлар’, ‘бепул’ деган атамалар ҳақида унутиш вақти келди. Бозор иқтисодиёти шароитида яшаяпмиз. Қолаверса, Бутунжаҳон савдо ташкилотига интиляпмиз. Фақат эртага натижа берадиганларга кўмак кўрсатамиз. Шундоқ ҳам имтиёзлилар мамлакатимиз, ҳар нарсанинг чеки бор ахир», — дея таъкидлади Лукашенко фермерларни қўллаб-қувватлаш ҳақидаги саволга жавобан.
Беларусь президенти давлат қўллаб-қувватлашга эҳтиёж сезадиганларга ёрдам кўрсатиши шарт эканлигини билдирди. Бундай тоифалар қаторида серфарзанд оилалар ва ҳарбийларни санаб ўтди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)