Буюк Британиянинг Девон графлигида яшовчи икки фуқаро ҳайвонларга нисбатан шафқатсиз муносабатда бўлганлиги учун озодликдан маҳрум этилади, деб хабар беради Metro.
27 ёшли Шерил Стивенс собиқ ҳамкасби ва дўсти 24 ёшли Даниэль Чаллиснинг олтин балиқчани ютиб юборган ҳолатини тасвирга олган. Шу орқали улар кўнгилочар видеоролик тайёрламоқчи бўлган. 35 сонияли видеотасвир 2016 йил март ойида Facebook ижтимоий тармоғига жойланган.
Мазкур иш бўйича суриштирув жараёнида олтин балиқчанинг аввалроқ табиий ўлим билан ўлгани тасдиқланган. Бироқ суд жараёнида Жониворларни шафқатсиз муносабатдан ҳимоя қилиш қироллик жамияти (RSPCА) видеороликда балиқчанинг ҳали ҳам тирик бўлганлиги ва унинг қимирлаётганини исботлади. «Золим балиқхўр» ва унинг шериги устидан суд ҳукми 3 февралда эълон қилинади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)