АҚШнинг собиқ президенти Барак Обама Қўшма Штатлар ҳудудида юз бераётган намойишларни қўллаб-қувватлади ва инсонларнинг эътиқодига нисбатан камситишларга қарши чиқди. Бу ҳақда «Газета.ru» хабар берди.
Обаманинг бу муносабати ҳақида унинг вакили Кевин Льюис Twitter орқали маълум қилди. Бу Обаманинг АҚШ президентлигидан кетганидан кейинги биринчи баёнотидир.
«Ўз конституцион ҳуқуқидан фойдаланадиган фуқаролар ўзлари томонидан сайланган мансабдор шахслардан уларни эшитишни талаб қилиб йиғилиши – бу биз айнан Америка қадриятлари хавф остида қолган вақтда кўришни хоҳлайдиган нарса», — дейилади матнда.
Вакил Обама бутун мамлакат бўйлаб давом этаётган намойишларда иштирок даражасидан тўлқинланганини қўшиб ўтди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)