Ироқда номаълум кимсалар ИШИДнинг бош жаллодини қатл этди, деб ёзади The Daily Mail Ироқ ахборот агентликларига таяниб.
«Номаълум қуролли гуруҳ 29 январь, якшанба куни ИШИДнинг энг таниқли жаллоди, Абу Сайяфнинг жазосини берди, — деб ёзди агентликлардан бири мамлакат хавфсизлик кучларидаги манбасига таяниб. — Уни Мосул ғарбидаги ал-Даваса туманида алдаб қўлга туширишди. Унга бир неча марта пичоқ билан зарба берилгач, у воқеа жойида вафот этди». Бошқа маълумотларга кўра, Абу Сайяфни пистирмадан ўққа тутишган.
Абу Сайяф ўз карьераси давомида 100 дан ортиқ кишини қатл этган, шунингдек, ИШИДнинг Найнов провинциясидаги бўлинмасига раҳбарлик қилган. У, хусусан, ўз қурбонлари бошларини коллекция сифатида тўплагани ва ИШИД тарғибот видеоларида кўп марта кўрингани учун ёмон от чиқарган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)