Эрон Америка фуқароларига кириш визаларини беришни тўхтатади. Бу ҳақда, «Коммерсантъ» хабарига кўра, мамлакат ташқи ишлар вазири Муҳаммад Жавод Зариф маълум қилган.
Дипломатнинг қайд этишича, бу АҚШ президенти Дональд Трамп томонидан имзоланган ва Яқин Шарқнинг етти мамлакати, хусусан, Эрон фуқароларининг АҚШга киришини тақиқловчи фармонга «ўзига хос жавобдир».
Вазирнинг таъкидлашича, Теҳрон томонидан жорий этилаётган чекловнинг истисно ҳолатлари ҳам бўлади. «Бу ҳолатлар Эрон Ташқи ишлар вазирлиги томонидан кўриб чиқилади ва шу асосда қарор қабул қилинади», — деди Жавод Зариф.
АҚШ президенти Дональд Трамп 27 январь куни етти мамлакат — Ироқ, Яман, Эрон, Судан, Ливия, Сурия ва Сомали фуқароларининг АҚШга киришини уч ойга тақиқлаб қўйди.
Бу тақиқ мазкур мамлакатларнинг АҚШ визасига эга фуқароларига ҳам тааллуқли. Бундан ташқари, қочоқларни қабул қилиш дастури ҳам 120 кунга тўхтатилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)