Ироқ парламенти америкаликларнинг мамлакатга киришини тақиқлади

Ироқ парламенти АҚШ фуқароларининг мамлакат ҳудудига киришини тақиқловчи қонун лойиҳасини маъқуллади. Meduza’нинг ёзишича, тақиқ 90 кун амал қилади.

АҚШ томонидан жорий этилган тақиққа нисбатан «жавоб чораси» деб номланган қонун депутатларнинг кўпчилиги томонидан маъқулланган.

Вақтинчалик тақиқ америкалик ҳарбийлар, Американинг ноҳукумат ва инсонпарварик ташкилотлари ходимлари, нефть компаниялари вакиллари ва ишчи сабаблар келаётган бошқа АҚШ фуқароларининг Ироққа киришига қанчалик таъсир қилишига аниқлик киритилмаган.

АҚШ президенти Дональд Трамп 27 январь куни етти мамлакат — Ироқ, Яман, Эрон, Судан, Ливия, Сурия ва Сомали фуқароларининг АҚШга киришини уч ойга тақиқлаб қўйди.

Бу тақиқ мазкур мамлакатларнинг АҚШ визасига эга фуқароларига ҳам тааллуқли. Бундан ташқари, қочоқларни қабул қилиш дастури ҳам 120 кунга тўхтатилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.