Япония NEC компанияси Ўзбекистондаги ваколатхонаси раҳбари Кожи Накамура Тошкент шаҳридаги Инҳа университетига (IUT) ташриф буюрди. Бу ҳақда «Дарё»га университет мутасаддилари маълум қилди.
IUT’га ташрифи доирасида Кожи Накамурага Япония компаниясининг бошқа вакиллари ҳамроҳлик қилди. Қайд этиш жоизки, компания Ўзбекистондаги ахборот технологиялари соҳасидаги бир қанча лойиҳаларда иштирок этмоқда.
Тошкент шаҳридаги Инҳа университети ректори Сарвар Бобохўжаев NEC делегациясини қутлади ҳамда университетнинг ташкил этилиш тарихи ҳамда АКТ соҳасида юқори малакали кадрларни тайёрлаш фаолияти тўғрисида батафсил маълумот берди.
Музокаралар давомида IUT ва NEC ўртасида ҳамкорлик ўрнатиш масалалари муҳокама қилинди. Жумладан, Япония компанияси вакиллари NEC технологиялари асосида университетдаги айрим жараёнларни бошқариш бўйича ечимларни татбиқ этиш таклифи билан чиқди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)