«Ўзбекистон ҳаво йўллари» ташкил этилганига 25 йил тўлди. Авиакомпания Республика Фахрий ёрлиғи билан мукофотланди

Тошкентда 28 январь куни «Ўзбекистон ҳаво йўллари» миллий авиакомпанияси ташкил этилганининг 25 йиллигига бағишланган тантанали маросим бўлиб ўтди, дея хабар бермоқда ЎзА.

Ўзбекистон Президенти Шавкат Мирзиёевнинг «Ўзбекистон ҳаво йўллари» миллий авиакомпанияси жамоасига йўллаган табригини бош вазири Абдулла Арипов ўқиб эшиттирди.

Шавкат Мирзиёевнинг фармонига мувофиқ, «Ўзбекистон ҳаво йўллари» миллий авиакомпанияси Ўзбекистон Республикасининг Фахрий ёрлиғи билан мукофотланди.

Президент фармонига биноан «Ўзбекистон ҳаво йўллари»нинг бир гуруҳ ходимлари мамлакатнинг юксак мукофотлари билан тақдирланди.

Тадбирда ана шу мукофотлар тантанали равишда топширилди. Тантанали маросим концерт дастури билан якунланди.

Маълумот учун, миллий авиакомпания Ўзбекистон Биринчи Президенти Ислом Каримовнинг 1992 йил 28 январдаги «Ўзбекистон миллий авиакомпаниясини ташкил қилиш тўғрисида»ги фармонига кўра ташкил этилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.