Тошкент шаҳридаги Инҳа университети (IUT) ректори Сарвар Бобохўжаев ЮНЕСКОнинг Ўзбекистондаги ваколатхонаси раҳбари Криста Пиккат билан музокара ўтказди. Бу ҳақда «Дарё»га университет мутасаддилари маълум қилди.
Музокаралар давомида ахборот технологиялари орқали ёшларни таълим олишга жалб этиш, мобил дастурлаш ҳамда мобил иловалар ишлаб чиқариш бўйича ўқитиш соҳасидаги ҳамкорлик масалалари кўриб чиқилди.
Томонлар ёшларни билим олишга ундайдиган ҳамкорликдаги лойиҳаларни ишга тушириш бўйича музокараларни давом эттиришга келишиб олди. Бундай лойиҳалар ёшларга ўз салоҳиятини ошириб, жамиятда ўрнини топишга кўмак бериши қайд этилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)